'n Roos in ruil vir as

Tristin vind iets waaroor baie vroue net kan droom... 'n Kasteel in Provence. Provence is prentjiemooi. Perfek vir piekniek hou in die pers laventelvelde. Vir gesellige wynproe-aande voor 'n oop kaggelvuur; vir lang middagetes onder die sierlike platane op die plein, net soos in die dorpie Bijou, waar sy haar bevind. Dan ontmoet sy vir Antoine en doen 'n vreemde transaksie met hom. Sy steur haar aanvanklik nie aan die stories van die kasteel wat 'spook' nie... Intussen bevind sy haar midde-in 'n stryd om die behoud van die rustigheid en ongereptheid van die omgewing, maar sy hou nie rekening met die romantiek van Bijou, waar die mense in liefde glo nie. En Antoine is in murg en been een van hulle....